Sunday, Jun 25th

Last update:04:58:39 AM GMT

Зараз вы тут:

Padvojnyja standarty

E-mail Друк PDF
Рэйтынг карыстачоў: / 1
ГоршыЛепшы 

Sprava Alesia Bialackaha vyklikała dyskusiju pra toje, što polskija dziaržaŭnyja orhany zjaŭlajucca niepasladoŭnymi ŭ ich staŭlenni da Biełarusi. Z adnaho boku - dekłaracyi ab padtrymcy biełaruskaj apazicyi, a z druhoha - dziejanni na jaje škodu. Prablema ŭ tym, što dziejanni polskaj prakuratury - heta zusim nie vyklučennie, ale praviła: padobnych situacyj, dzie dziejanni razychodziacca z dekłaracyjami, josć u polskim dačynienni da Biełarusi vielmi šmat.


Voś naprykład nikoha nie treba pierakonvać, jakoje vialikaje značennie dla idei svabodnaj Biełarusi maje zachavannie i razviccio biełaruskaj movy. Hvałtoŭnaja rusifikacyja Biełarusi adnaznačna supiarečyć demakratyčnym standartam i nie spryjaje ŭmacavanniu biełaruskaha suvierenitetu. I mienavita tamu aficyjnaja Polšča ličyć, što procidziejannie rusifikacyi Biełarusi lažyć u polskich intaresach - choć by tamu, što lepš mieć za susieda biełaruskamoŭnuju, nacyjanalna sviadomuju, eŭrapiejskuju Biełaruś, čym ruskamoŭnuju biełaruskuju aŭtanomiju ŭ ramkach Rasijskaj Fiederacyi.

Zychodziačy z taho, polski padatkapłatnik finansuje šmatlikija inicyjatyvy, jakich meta - nie tolki padtrymka demakratyzacyi Biełarusi, ale i razviccio biełaruskaj movy i kultury. Telebačannie Biełsat, biełaruskamoŭnyja radyjostancyi, fiestyval Basovišča - heta tolki prykłady takich dziejanniaŭ. I kali adny polskija dziaržaŭnyja ŭstanovy płociać sotni tysiač złotych u padtrymku biełaruskaj movy, inšyja viaduć siabie tak, kali b u polskich intaresach lažała sadziejničannia rusifikacyi. Maju na uvazie polskuju ambasadu ŭ Miensku i konsulstva ŭ Harodni i Brescie, dzie amal usia infarmacyja vykładziena na ruskaj movie, zamiest biełaruskaj. Pierakanacca pra heta možna, zazirajučy na aficyjnyja web-staronki polskich dypłamatyčnych pradstaŭnictvaŭ u Biełarusi. Padobnuju moŭnuju palityku pravodziać polskija pamiežnyja i mytnyja słužby, a taksama mnohija inšyja ŭstanovy, jakija kamunikujucca z biełarusami nie pa-biełarusku, ale pa-rasiejsku.

Polskija dypłamaty rastłumačvajuć hetuju situacyju tym, što biełaruskaja mova zjaŭlajecca mienš raspaŭsiudžanaja i mienš prestyžnaja, tamu nie varta tłumić sabie hałavu takimi niepradbačlivymi spravami. Bo russkиj jazyk ŭsie razumiejuć, tamu ŭ čym prablema? Sprava ŭ tym, što mienavita takuju rytoryku vykarystoŭvaje aficyjny Minsk, jaki tłumačyć palityku rusifikacyi ŭ identyčny sposab, jak i polskija dypłamaty, mytniki i pamiežniki.

Druhaja reč - heta vizavyja prablemy. U minułym hodzie šmat chto z maich minskich znajomych jechali na fest Basovišča ... praz Litvu. Čamu? Bo atrymać polskuju vizu Šenhien było vielmi ciažka, a litoŭcy prablem nie rabili. Polskaja dypłamatyja rastłumačvaje hetyja prablemy patrabavanniami Šenhienu, adnak Litvy datyčacca tyja ž samyja praviły i Vilnius čamusci moža stavicca da vizavych pytanniach libieralniej.

Narešcie, polskija palityki, z ministram zamiežnych spraŭ ŭklučna, zhadžajucca adnosna taho, što treba palahčać biełarusam ŭjezd u Polšču - za vyklučenniem tych, jakija zadziejničanni da palityčnych represijaŭ. Dobra, adnak za hetymi dekłaracyjami nie vynikajuć nijakija kankretnyja prajekty ŭ sfiery infrastruktury. Kolki novych punktaŭ propusku adkryli na našaj miažy za apošnija dziesiać hadoŭ? Čamu miažu nielha prajsci pieškom (za vyklučenniem Biełaviežy), choć piešachodnaja pałasa ŭ pierachodzie Ciarespal-Brest była b vielmi patrebnaj? I narešcie, čamu polski ŭrad nie padtrymaŭ inicyjatyŭ razviccia čyhunačnaj infrastruktury na polska-biełaruskaj miažy? Čamu ničoha nie robicca dziela taho, kab pierasiačennie miažy zaniała mienš času i była bolš “eŭrapiejskaj”?

Palityka nie zaklučajecca tolki na pryhožych dekłaracyjach, ale pierš za ŭsio na pasladoŭnaj, štodzionnaj pracy nad kankretnymi prablemami. Maju ŭražannie, što polskaj administracyi hetaj pasladoŭnasci nie chapiła, a kaardynacyja pamiž roznymi viedamstvami nie funkcyjanuje.

Tekst opublikowany również w tygodniku "Niva".

Дадаць каментарый


Ахоўны код
Абнавіць